Angliya terma jamoasining sobiq hujumchisi Alan Shirer Chempionlar ligasidagi "Chelsi"ning "Barselona" ustidan qozongan g‘alabasi (3:0) haqida fikr bildirdi.

"Ular tinmay mehnat qilishmoqda. "Chelsi" aynan shunday natijaga loyiq. Ular yana o‘yinni mukammal darajaga olib chiqishmoqda.

Men ofsayd tuzoqlarini bir necha bor ko‘rganman, lekin bu chinakam aqlsizlik. Xuddi maydonda to‘rtta qo‘g‘irchoq turib, "Qanday gol urmoqchisizlar, yigitlar?", deb so‘rayotgandek. Bunga ba’zan ishonish qiyin edi. "Chelsi" "Barselona" himoyasidan qanchalik oson o‘tgani va ba’zida qanday g‘alati o‘ynayotganini ta’riflashga so‘z topolmayman," dedi Shirer Amazon Prime efirida.