Londonning "Tottenxem" klubi sobiq ustozi Ange Postekoglu Angliya grandini boshqarishi mumkin. TEAMtalk nashrining ma’lum qilishicha, uning nomzodi "Liverpul" rahbarlari tomonidan ko‘rib chiqilmoqda.

Manbaning ta’kidlashicha, "qizillar" bosh murabbiyi Arne Slot hamon "Liverpul" bosslarining ishonchida bo‘lib turibdi. Ammo jamoaning ahvoli yaxshilanmasa, niderlandiyalik iste’foga chiqarilishi mumkin.

Arne o‘tgan yilning yozida mersisaydliklar murabbiyi lavozimini egallagandi. Uning qo‘l ostida "Liverpul" o‘tgan mavsumda APL chempionligini nishonladi.

So‘nggi o‘yinda "qizillar" Chempionlar ligasida PSVga yirik hisobda mag‘lub bo‘lgandi (1:4).