Лондоннинг "Тоттенхэм" клуби собиқ устози Анге Постекоглу Англия грандини бошқариши мумкин. TEAMtalk нашрининг маълум қилишича, унинг номзоди "Ливерпуль" раҳбарлари томонидан кўриб чиқилмоқда.
Манбанинг таъкидлашича, "қизиллар" бош мураббийи Арне Слот ҳамон "Ливерпуль" боссларининг ишончида бўлиб турибди. Аммо жамоанинг аҳволи яхшиланмаса, нидерландиялик истеъфога чиқарилиши мумкин.
Арне ўтган йилнинг ёзида мерсисайдликлар мураббийи лавозимини эгаллаганди. Унинг қўл остида "Ливерпуль" ўтган мавсумда АПЛ чемпионлигини нишонлади.
Сўнгги ўйинда "қизиллар" Чемпионлар лигасида ПСВга йирик ҳисобда мағлуб бўлганди (1:4).
