O‘zbekistonlik grossmeyster Nodirbek Abdusattorov Angliyadagi «London Chess Classic» turniridagi ishtirokini muvaffaqiyatli boshladi.
Hamyurtimiz birinchi turda mezbon shaxmatchilaridan biri Gavayn Maroroa Jons bilan qora donalarda o‘ynadi. Raqib oq donalarda o‘ynaganiga qaramay, 16-yurishga kelib bitta harakatni 3 marta takrorladi. Natijada bahsda tezkor durang qayd etildi.
Ikkinchi turda Nodirbek AQSHlik Abhimanyu Mishraga qarshi oq donalarda o‘ynadi. Abdusattorov debyutdan ustunlik bilan chiqdi va o‘yinni mantiqiy yakuniga olib bora oldi. Ayniqsa, 22-yurishda o‘zbek sportchisi o‘z Otini qurbon qilib, "Brilliant yurish"ni amalga oshirish orqali o‘z ustunligini yana oshirdi.
Mishra oxirigacha qarshilik qilishga urindi. Ammo 49-yurishga kelib u o‘z mag‘lubiyatini tan oldi. Bu vaqt kelib mot uchun atigi 3-4 ta yurish qolgandi.
Nodirbek Abdusattorov 1,5 ochko bilan kuchli uchlikka kirdi. Nikolos Teodorou (Gresiya) va Alirizo Firuzja (Fransiya) hisobida ham shuncha ochko bor.
Nodirbek bugun 3-tur doirasida Nikita Vityugov (Angliya)ga qarshi qora donalarda o‘ynaydi.













