"Real" atrofida mish-mishlar ko‘p, ammo jamoa bosh murabbiyi Xabi Alonso jamoada keskinlik alomatlarini ko‘rsatmayapti. Shanba kungi matbuot anjumanida Alonso jamoadagi muhit haqida fikr bildirdi.
"Men har doim jamoa birdamligini va barcha bizning maqsadimizni tushunishini his qilganman - mavsumning final qismiga hamma narsani yutish imkoniyati bilan borish. Kundalik ishda bir-birimizni yaxshi tushunamiz. Biz yaxshi damlarda ham, yomon damlarda ham birgamiz. Atrofdagi barcha shovqin va gap-so‘zlarga qaramay, ichkarida biz juda barqarormiz," - dedi Alonso.
Kuzning so‘nggi oqshomida "Real" La Ligada "Jirona" mehmoni bo‘ladi.
