"Real" Ispaniya chempionatining 14-turida "Jirona" mehmoni bo‘ldi va 1:1 hisobida durang qayd etdi.

45-daqiqada Azedin Unai mezbonlarni hisobda oldinga olib chiqdi. 67-daqiqada Kilian Mbappe penaltidan unumli foydalanib, hisobni tenglashtirdi. Birinchi bo‘limda Mbappening goli videotakrordan so‘ng bekor qilindi - hakam gol urish epizodida qo‘l bilan o‘ynash borligini aniqladi.

"Real" 33 ochko bilan La Liga turnir jadvalida ikkinchi o‘rinda bormoqda. "Jirona" hisobida 12 ochko va 18-pog‘ona bor.

Chempionatning navbatdagi o‘yinida "qaymoqranglilar" 3 dekabr kuni "Atletik" mehmoni bo‘lsa, jironliklar 7 dekabr kuni "Elche" mehmoni bo‘ladi.

La Liga. 14-tur

1 dekabr, 01:00. «Montilivi» (Jirona)

Jirona - Real - 1:1

Gollar: Unai, 45 (1:0). Mbappe, 67 - penaltidan (1:1)

Jirona: Gassaniga, Moreno, Vitor Reys, Rinkon (Franses, 72), Martines, Martin, Vitsel, Unai (Ruis, 83), Xil (Roka, 72), Vanat (Kuruma, 83), Sigankov (Asprilya, 72)

Real: Kurtua, F. Garsiya (Karreras, 90), Ryudiger, Eder Militau, Aleksandr-Arnold (G. Garsiya, 90), Bellingem, Tchuameni (Rodrigu, 72), Valverde, Vinisius Junior, Mbappe, Arda Gyuler (Kamavinga, 46)

Ogohlantirishlar: Gassaniga, 42. Unai, 59. Vanat, 74

Hakam: Bengoechea (Ispaniya)