Madridning "Real" klubi hujumchisi Kilian Mbappe "Jirona"ga (1:1) qarshi o‘yin haqida fikr bildirdi.
Fransiyalik futbolchi 67-daqiqada penaltini aniq amalga oshirib, hisobni tenglashtirgan bo‘lsa-da, autsayderga qarshi bahsda "qaymoqranglilar" g‘alabani ilib ketolmadi.
"Bu oqshom biz kutgan natija mutlaqo boshqacha edi. Ammo chempionat avjida, oldinda ko‘plab o‘yinlar bor. Biz salbiy dinamikani o‘zgartirishimiz va jamoamiz nimalarga qodirligini ko‘rsatishimiz kerak," - deb yozdi Mbappe ijtimoiy tarmoqda.
