Madridning "Real" klubi mish-mishlarga qaramay, hozircha Xabi Alonsoni iste’foga chiqarishni rejalashtirmayapti.

Yakshanba kuni "qaymoqranglilar" La Ligada "Jirona" bilan durang o‘ynab (1:1), yana ochko yo‘qotishdi. O‘yin yakunlangach, ko‘p o‘tmay OAVda murabbiyning iste’foga chiqarilishi haqida xabarlar tarqaldi. Shunga qaramay, ispaniyalik taniqli jurnalist Xosep Pedrerolning ma’lum qilishicha, ayni damda "qirollik klubi" rahbariyati ispaniyalik bosh murabbiy bilan xayrlashish haqida o‘ylamayapti.

"Real" ketma-ket uchta durangdan so‘ng turnir jadvalida peshqadamlikni yo‘qotdi. Madridliklar hisobida 14 turdan keyin 33 ochko bor - bu "Barselona"nikidan bir ochko kam.