Мадриднинг "Реал" клуби миш-мишларга қарамай, ҳозирча Хаби Алонсони истеъфога чиқаришни режалаштирмаяпти.

Якшанба куни "қаймоқранглилар" Ла Лигада "Жирона" билан дуранг ўйнаб (1:1), яна очко йўқотишди. Ўйин якунлангач, кўп ўтмай ОАВда мураббийнинг истеъфога чиқарилиши ҳақида хабарлар тарқалди. Шунга қарамай, испаниялик таниқли журналист Хосеп Педреролнинг маълум қилишича, айни дамда "қироллик клуби" раҳбарияти испаниялик бош мураббий билан хайрлашиш ҳақида ўйламаяпти.

"Реал" кетма-кет учта дурангдан сўнг турнир жадвалида пешқадамликни йўқотди. Мадридликлар ҳисобида 14 турдан кейин 33 очко бор - бу "Барселона"никидан бир очко кам.