"Manchester Yunayted" bosh murabbiyi Ruben Amorim yozgi transfer oynasida jamoa tarkibiga kelib qo‘shilgan hujumchi Mateus Kunya haqida gapirdi.
"Menimcha, Kunya yanada rivojlanishi mumkin. U o‘zi uchun boshqa muhitdagi klubga o‘tdi va boshqa darajada bosim ostida, lekin u bu bosimni yengishni juda yaxshi uddalamoqda. U gol ura olmagani, shuningdek, ijtimoiy tarmoqlarda ko‘rganlari tufayli qiyinchiliklarga duch keldi. U ko‘rsatkichlar haqida juda ko‘p o‘yladi. Ammo uning jamoaga ta’siri juda muhim. O‘ylaymanki, Kunya hujumda ham, himoyada ham hali ko‘p narsa qo‘shishi mumkin," - dedi Amorim matbuot anjumanida.
"Manchester Yunayted" safidagi 11 o‘yinda 26 yoshli Mateus Kunya 1 ta gol urgan.
