"Real" bosh murabbiyi Xabi Alonso Chempionlar Ligasi doirasida "Manchester Siti"ga qarshi bo‘lib o‘tadigan o‘yin davomida Vinisius Juniorni almashtirishga tayyormi, degan savolga javob berdi. O‘yin 10 dekabr kuni Madridda bo‘lib o‘tadi. Avvalroq braziliyalik futbolchi va murabbiy o‘rtasida futbolchining zaxiraga olinishi ortidan noroziligi tufayli mojarolar kelib chiqqan edi.
"O‘yin davomida Vinisiusni yana almashtirishga tayyormanmi? O‘tgan safar bu o‘z-o‘zidan qabul qilingan qaror edi. Agar men yana Vinisiusni almashtirish qarorini to‘g‘ri deb hisoblasam, buni shubhasiz amalga oshiraman," - deya Alonsoning so‘zlarini keltiradi Ispaniyaning mashhur Mundo Deportivo nashri.
