"Atalanta" o‘z maydonida Chempionlar ligasi umumiy bosqich 6-turidan o‘rin olgan uchrashuvda "Chelsi"ni mag‘lub etdi - 2:1.
Uchrashuvning 25-daqiqasida mehmonlar forvardi Joao Pedro hisobni ochdi. Mezbonlar safida Janluka Skamakka (55) va Sharl De Ketelare (83) o‘z nomini tabloga yozdirib qo‘ydi.
G‘alaba evaziga "Atalanta" 13 ochko bilan Chempionlar ligasi umumiy turnir jadvalida to‘rtinchi o‘ringa ko‘tarildi. "Chelsi" 10 ochko bilan o‘ninchi o‘rinda bormoqda.
Keyingi turda "Atalanta" o‘z maydonida "Atletik"ka qarshi bahs olib borsa, "Chelsi" "Pafos"ni qabul qiladi.
YECHL. 6-tur
10 dekabr, 01:00.
Atalanta - Chelsi - 2:1
Gollar: Joao Pedro, 25 (0:1). Skamakka, 55 (1:1). De Ketelare, 83 (2:1)
Atalanta: Karnesekki, Djimsiti, Kolashinas (Axanor, 71), Kossunu, Ederson (Musa, 87), de Ron, Bernaskoni, Bellanova (Dzappakosta, 17), Lukman (Pashalich, 87), De Ketelare, Skamakka (Krstovich, 72)
Chelsi: Sanches, Badiashile, Achimpong, Kukurelya, Chaloba (Fofana, 46, Adarabioyo, 76), Djeyms, Kaysedo, Fernandes (Gyusto, 67), Gittens, Pedru Netu (Garnacho, 67), Joao Pedro
Ogohlantirishlar: Chaloba, 29
