"Chelsi" bosh murabbiyi Enso Mareska hujumchi Liam Delap haqida o‘z fikrini bildirdi. O‘tgan dam olish kunlarida Delap yana jarohat oldi - futbolchi yelkasini shikastlab oldi. Ilgari ham Liam ma’lum vaqt jarohat tufayli mashg‘ulotlardan chetda qolgan edi.
"Delap katta klubga o‘tdi, u yerda undan ko‘p narsa kutishayotgan edi. Hozircha uning uchun hammasi kutilganidek bo‘lmadi - ammo bu uning aybi emas. U omadi kelmaganini tushunadi, lekin umuman olganda, hamma narsa joyida.
Hozir uning uchun eng muhimi - tiklanish. U har kuni jamoadoshlari bilan birga formaga qaytish uchun bazada mashq qilmoqda. U albatta qaytadi - bu faqat vaqt masalasi," - dedi Mareska matbuot anjumanida.
13 dekabr shanba kuni "Chelsi" Premyer-liga doirasida o‘z maydonida "Everton"ga qarshi o‘yin o‘tkazadi.
