"Barselona" o‘z maydonida Ispaniya chempionati 16-turida "Osasuna"ga qarshi bahs olib bordi va 2:0 hisobida g‘alaba qozondi.
"Ko‘k-anorranglilar" safida Rafinya dublni rasmiylashtirdi - u 70-daqiqada Pedrining uzatmasidan keyin hisobni ochdi va 86-daqiqada ikkinchi golni urdi.
23-daqiqada mezbonlar forvardi Ferran Torresning goli ofsayd sabab inobatga olinmadi.
"Barselona" La Ligada qatorasiga yettinchi o‘yinda g‘alaba qozondi va 43 ochko bilan turnir jadvalida peshqadamlikni davom ettirmoqda. "Osasuna" esa 15 ochko bilan 16-pog‘onadan joy olgan.
Keyingi turda Kataloniya jamoasi 21 dekabr kuni safarda "Vilyarreal"ga qarshi bahs olib borsa, "qizillar" 20 dekabr kuni "Alaves"ni qabul qiladi.
La Liga. 16-tur
13 dekabr, 22:30, «Kamp Nou»
Barselona - Osasuna - 2:0
Gollar: Rafinya, 70 (1:0). Rafinya, 86 (2:0)
Barselona: X. Garsiya, Kubarsi (Fermin Lopes, 75), Martin, Balde (Kristensen, 88), Kunde, Pedri (Kasado, 88), E. Garsiya, Rafinya (Bardji, 88), Reshford (de Yong, 74), Yamal, Torres
Osasuna: Errera, Errando, Boyomo, Katena, Bretones, Argibide (RozYE, 69), Torro (I. Munyos, 46), Oros (R. Garsiya, 64), Monkayola, Budimir (Raul Garsiya, 64), V. Munyos (Bekker, 65)
Ogohlantirishlar: Bretones, 35. I. Munyos, 59. Monkayola, 67
