"Nyukasl" bir-bir yarim oyga markaziy himoyachi Den Byornni yo‘qotdi. Bu haqda "qarg‘alar" matbuot xizmati jamoa bosh murabbiyi Eddi Xauning so‘zlaridan iqtibos keltirgan holda rasman xabar bermoqda.

"Uning qovurg‘alari va o‘pkasida muammo bor. Ehtimol, tiklanish to‘rt haftadan olti haftagacha davom etadi," - dedi Xau.

Eslatib o‘tamiz, Byorn "Sanderlend"ga qarshi kechgan "Tayn-Uir derbisi"dan so‘ng shifoxonaga yotqizilgan edi.

Uning jamoasi safarda minimal hisobda yutqazdi. Futbolchi birinchi bo‘lim oxirida nafas olishda muammolarga duch keldi va maydonni tark etdi.