Londonning "Kristal Pelas" klubining yanvar oyidagi transferlar oynasidagi rejalari haqida ma’lumotlar paydo bo‘ldi.

Jurnalist Dom Smitning ta’kidlashicha, "burgutlar" yangi hujumchi va o‘ng qanot vingeri qidirmoqda. Manbaga ko‘ra, poytaxt klubi qishki bozorda eng faollardan biriga aylanishi mumkin.

Avvalroq, "Kristal Pelas" rahbariyati yangi futbolchilar uchun 100 million yevrodan ko‘proq mablag‘ ajratishi haqida xabarlar tarqalgan edi.

Oliver Glasner shogirdlari 16 turdan so‘ng Angliya chempionati turnir jadvalida 26 ochko bilan beshinchi o‘rinda bormoqda.