CIES Football Observatory tadqiqot guruhi so‘nggi besh mavsumda rasmiy o‘yinlarda eng ko‘p o‘yin daqiqalarini o‘tkazgan maydon o‘yinchilari orasidagi 10 nafar futbolchidan iborat reytingni taqdim etdi. «Real» hujumchisi Kilian Mbappe 25 199 daqiqa bilan reytingda 6-o‘rinni egalladi.

Reytingning eng yuqori pog‘onasida «Palmeyras» (Braziliya) klubi markaziy himoyachisi Gustavo Gomes joy oldi. U klub va Paragvay terma jamoasi safida jami 28 194 daqiqa o‘ynagan. Ikkinchi o‘rinda — «Manchester Yunayted» va Portugaliya terma jamoasi yarim himoyachisi Brunu Fernandesh (27 634 daqiqa).

So‘nggi besh yilda maydonda eng ko‘p daqiqa o‘tkazgan maydon o‘yinchilari top-10ligi (CIES):

1. Gustavo Gomes («Palmeyras» / Paragvay terma jamoasi) — 28 194 daqiqa
2. Brunu Fernandesh («Manchester Yunayted» / Portugaliya terma jamoasi) — 27 634
3. Nikolas Otamendi («Benfika» / Argentina terma jamoasi) — 26 791
4. Garri Keyn («Tottenxem» / «Bavariya» / Angliya terma jamoasi) — 25 680
5. Deklan Rays («Vest Xem» / «Arsenal» / Angliya terma jamoasi) — 25 351
6. Kilian Mbappe («PSJ» / «Real» / Fransiya terma jamoasi) — 25 199
7. Xunior Alonso («Krasnodar» / «Atletiko Mineyro» / Paragvay terma jamoasi) — 25 039
8. Xans Vanaken («Bryugge» / Belgiya terma jamoasi) — 24 965
9. Yozua Kimmix («Bavariya» / Germaniya terma jamoasi) — 24 575
10. Marlon Freytas («Atletiko Goyaniyense» / «Botafogo») — 24 558