"PSJ" yarimhimoyachisi Uorren Zair-Emeri "Flamengo"ga (1:1, pen. - 2:1) qit’alararo kubok finali haqida gapirdi.

"Bizda juda aniq vazifa bor edi: bu yerga kelish va g‘alaba qozonish. Murabbiy bizga bor kuchimizni berib, odatdagidek o‘ynashimizni aytdi. Hozir biz o‘zimiz bilan faxrlanamiz. Juda yaxshi o‘yin o‘tkazdik, juda yaxshi final, juda katta shiddat bilan o‘ynaydigan juda yaxshi jamoaga qarshi.

Jamoamizda xarakter ko‘p. Bu bizning haqiqiy jamoa ekanligimizni ko‘rsatadi. Murabbiy kelganida, u aynan shuni xohlagan edi. U bizga hamisha jamoa birinchi o‘rinda turishini uqtirardi. Bugun bu bizning qanday kuchga ega ekanligimizni va qanday jamoa ekanligimizni ko‘rsatadi. Butun mavsum davomida shu ruhda davom etishimizga to‘g‘ri keladi, chunki oson bo‘lmaydi. Bu faqat boshlanishi. Eng qiyini hali oldinda", - deya Zair-Emerining so‘zlarini keltiradi Canal Supporters.