Italiyaning "Milan" klubi yarim himoyachisi Ardon Yashari Xorvatiya va Yevropa futboli afsonasi Luka Modrich bilan yonma-yon o‘ynamoqda. O‘tgan yozda faxriy "Real"ning oq rangli libosini "Milan" libosiga almashtirishga qaror qilgandi.
"U bilan o‘ynash nafaqat men uchun, balki jamoadagi barcha uchun ajoyib. Men ham shunga o‘xshash pozisiyada o‘ynayman va undan ko‘p narsa o‘rganaman. Ayniqsa, Modrichning g‘olibona, chempionlik ruhiyati kishini hayratga soladi", - deya Yasharining so‘zlarini keltiradi piamenta.it.
Eslatib o‘tamiz, "Milan" ayni damda Italiya A Seriyasi turnir jadvalida 2-o‘rinda bormoqda.
