«Liverpul» hujumchi Aleksander Isak oyoq suyagini sindirib olganidan so‘ng, jamoa hujum chizig‘ini kuchaytirish variantlarini ko‘rib chiqmoqda. Bu haqda Caught Offside xabar bermoqda.
Manbaga ko‘ra, mersisaydliklar «Brentford» forvardi Igor Tyagoni kuzatib bormoqda va uni Arne Slot jamoasi uslubiga mos o‘yinchi deb hisoblamoqda. Biroq «asalarilar» 24 yoshli hujumchini qishki transfer oynasida sotish niyatida emas, agar favqulodda taklif bo‘lmasa.
Shu bilan birga, «Liverpul»ning asosiy transfer maqsadi hali ham «Bornmut» vingeri Antuan Semenyo bo‘lib qolmoqda. OAV bu futbolchiga qiziqish Isak jarohat olishidan oldinoq mavjud bo‘lganini xabar qilgan edi.
Shuningdek, endilikda yarim himoyachi Florian Virs «Liverpul» safida yanada hujumkor rolda harakat qilishi mumkin. Slot nemis xavbekini «yolg‘on to‘qqizlik» pozisiyasida qo‘llashi ehtimoldan xoli emas.













