"Vest Xem" "Vulverxempton" safida to‘p tepayotgan norvegiyalik forvard Yorgen Strann Larsen xizmatiga qiziqish bildirmoqda. Bu haqda The Guardian xabar berdi.
Jamoasi quyi ligaga tushib ketish xavfi ostida turgan "bolg‘achilar" ustozi Nunu Eshpiritu Santu yanvar oyidagi transferlar oynasida hujumni kuchaytirmoqchi va Larsenni asosiy nishon sifatida belgilab olgan. "Vulverxempton" uning uchun 45,6 million yevro olmoqchi.
Larsen bilan bir qatorda, Chexiyaning "Viktoriya" jamoasi vakili Rafiu Durosimbi kabi boshqa variantlar ham ko‘rib chiqildi. "Vest Xem" so‘ralayotgan summani to‘lashga tayyormi yoki yo‘qmi, hozircha noma’lum.
Joriy mavsumda 25 yoshli futbolchi klub miqyosida 18 ta o‘yinda 3 ta gol urdi. Uning klubi 2 ochko bilan APL turnir jadvalida so‘nggi 20-o‘rinda bormoqda. "Vest Xem" hisobida 13 ochko bor va jamoa o‘n sakkizinchi o‘rinda.













