Milanning "Inter" klubi mavsum boshida "Manchester Siti"dan ijaraga olingan markaziy himoyachi Manuel Akanji bo‘yicha qaror qabul qildi.
La Gazzetta dello Sport nashri tarqatgan xabarga ko‘ra "Inter" 30 yoshli shveysariyalik futbolchining shartnomasini ingliz grandidan sotib olmoqchi. Avvalroq, "neradzurrilar" Akanji uchun 15 million yevro to‘lashi mumkinligi aytilgandi.
"Inter" safida Akanji barcha musobaqalarda 19 ta o‘yinda maydonga tushdi va gol urolmadi.
"Inter" 16 o‘yindan so‘ng Italiya A Seriyasi turnir jadvalida peshqadam "Milan"dan 2 ochko ortda qolib, 2-o‘rinda bormoqda.
