Londonning "Arsenal" klubi yarim himoyachisi Deklan Rays chempionlik uchun raqobatchi "Manchester Siti"ning bo‘lajak o‘yini haqida fikr bildirdi. Shanba kuni "kanonirlar" "Bornmut"ni (3:2) mag‘lub etib, "shaharliklar" bilan oradagi farqni 7 ochkoga yetkazdi.
Yakshanba kuni Xosep Gvardiola jamoasi o‘z uyida "Chelsi"ni qabul qiladi.
"Men ["Manchester Siti"]ning "Sanderlend"ga qarshi o‘yinini ko‘rmadim. Balki ertaga vaqtim bo‘lsa, o‘yinni tomosha qilarman. Diqqat-e’tiborimni jamoamizga qarataman. Bilaman, bu siyqasi chiqqan gaplar, lekin hali oldinda juda ko‘p o‘yinlar bor. Tiklanish va kuch to‘plash juda muhim," - dedi shanba kungi bahsda dubl qayd etgan Rays Sky Sports bilan suhbatda.
"Manchester Siti" - "Chelsi" uchrashuvi Toshkent vaqti bilan soat 22:30da boshlanadi.
