Лондоннинг "Арсенал" клуби ярим ҳимоячиси Деклан Райс чемпионлик учун рақобатчи "Манчестер Сити"нинг бўлажак ўйини ҳақида фикр билдирди. Шанба куни "канонирлар" "Борнмут"ни (3:2) мағлуб этиб, "шаҳарликлар" билан орадаги фарқни 7 очкога етказди.

Якшанба куни Хосеп Гвардиола жамоаси ўз уйида "Челси"ни қабул қилади.

"Мен ["Манчестер Сити"]нинг "Сандерленд"га қарши ўйинини кўрмадим. Балки эртага вақтим бўлса, ўйинни томоша қиларман. Диққат-эътиборимни жамоамизга қаратаман. Биламан, бу сийқаси чиққан гаплар, лекин ҳали олдинда жуда кўп ўйинлар бор. Тикланиш ва куч тўплаш жуда муҳим," - деди шанба кунги баҳсда дубль қайд этган Райс Sky Sports билан суҳбатда.

"Манчестер Сити" - "Челси" учрашуви Тошкент вақти билан соат 22:30да бошланади.