Myunxenning "Bavariya" klubida joriy mavsum kashfiyotlaridan biriga aylangan Lennart Karl kelajakdagi rejalari bo‘yicha o‘z fikrlarini bildirdi.
«Bavariya» juda katta klub, lekin karyeramning bir nuqtasida men albatta «Real Madrid»ga o‘tmoqchiman», - dedi 17 yoshli germaniyalik hujumkor yarim himoyachi Bild bilan suhbatda.
Karl hozirda Transfermarkt portalida 60 million yevroga baholanmoqda. Uning amaldagi shartnomasi 2028 yil yozigacha mo‘ljallangan.
Lennart joriy mavsumda jami 22 ta o‘yinda 6 ta gol urib, 2 ta golli uzatma amalga oshirdi.
