"Real" bosh murabbiyi Xabi Alonso rahbariyatdan o‘tgan yozda Madrid klubi tarkibini kuchaytirishni so‘ragan edi.
The Athletic jurnalisti Gilyermo Rayning yozishicha, ispaniyalik mutaxassisning asosiy iltimosi yarim himoya chizig‘iga futbolchi sotib olish bo‘lgan. Biroq, klubning yuqori martabali vakillaridan biri rahbariyatning tarkibni shakllantirish rejasini himoya qilib, "Real" so‘nggi yillardagi eng yosh tarkibga ega ekani va u hali ham kuchli ekanini ta’kidladi.
Xabi Alonso "Real"ni 2025 yilning yozida qabul qilib olgandi. Ayni paytda "qaymoqranglilar" Ispaniya chempionati turnir jadvalida 45 ochko bilan 2-o‘rinda bormoqda. Madrid klubi peshqadam "Barselona"dan 4 ochko ortda qolmoqda.
