"Tottenxem" markaziy himoyachisi Mikki van de Ven hozirgi murabbiylar shtabida klub bilan amaldagi mehnat shartnomasini uzaytirishni rejalashtirmayapti. Bu haqda jurnalist Jek Pitt-Bruk xabar bermoqda.

Manbaga ko‘ra, niderlandiyalikni hozirgi o‘yin modeli qoniqtirmayapti. Futbolchini saqlab qolish uchun "shporlar" murabbiyni almashtirishi va tarkibni sezilarli darajada kuchaytirishi kerak bo‘ladi.

Van de Ven 2023 yilda "Tottenxem" futbolchisiga aylangandi. Joriy mavsumda 24 yoshli himoyachi barcha musobaqalarda 27 ta o‘yinda maydonga tushib, 6 ta gol urdi va 1 ta golli uzatma muallifiga aylandi.

Transfermarkt portali ma’lumotlariga ko‘ra, van de Venning narxi 65 million yevroni tashkil etadi.