"Тоттенхэм" марказий ҳимоячиси Микки ван де Вен ҳозирги мураббийлар штабида клуб билан амалдаги меҳнат шартномасини узайтиришни режалаштирмаяпти. Бу ҳақда журналист Жек Питт-Брук хабар бермоқда.

Манбага кўра, нидерландияликни ҳозирги ўйин модели қониқтирмаяпти. Футболчини сақлаб қолиш учун "шпорлар" мураббийни алмаштириши ва таркибни сезиларли даражада кучайтириши керак бўлади.

Ван де Вен 2023 йилда "Тоттенхэм" футболчисига айланганди. Жорий мавсумда 24 ёшли ҳимоячи барча мусобақаларда 27 та ўйинда майдонга тушиб, 6 та гол урди ва 1 та голли узатма муаллифига айланди.

Transfermarkt портали маълумотларига кўра, ван де Веннинг нархи 65 миллион еврони ташкил этади.