"Arsenal", "Chelsi" va "Liverpul" klublari "PSJ" qanot hujumchisi Bredli Barkolya transferi bo‘yicha muzokaralar olib bordi. Bu haqda TEAMtalk xabar berdi.

Manbaga ko‘ra, 23 yoshli vinger kelasi yozda fransuz grandini tark etish uchun nomzod bo‘lishi mumkin, ammo "PSJ" qishki transfer oynasida futbolchi bo‘yicha takliflarni ko‘rib chiqmaydi. Shu bilan birga, joriy mavsum yakunida Barkola bilan yangi shartnoma bo‘yicha ham muzokaralar o‘tkazilishi kutilmoqda.

Hujumchi 2023 yil yozidan beri "PSJ"da o‘ynamoqda. U joriy mavsumda barcha musobaqalarda 23 ta o‘yinda maydonga tushib, 5 ta gol va 4 ta golli uzatmaga mualliflik qildi. Futbolchining klub bilan amaldagi mehnat shartnomasi 2028 yilning yoziga qadar mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 70 mln yevroni tashkil etadi.