"Арсенал", "Челси" ва "Ливерпуль" клублари "ПСЖ" қанот ҳужумчиси Брэдли Барколя трансфери бўйича музокаралар олиб борди. Бу ҳақда TEAMtalk хабар берди.
Манбага кўра, 23 ёшли вингер келаси ёзда француз грандини тарк этиш учун номзод бўлиши мумкин, аммо "ПСЖ" қишки трансфер ойнасида футболчи бўйича таклифларни кўриб чиқмайди. Шу билан бирга, жорий мавсум якунида Баркола билан янги шартнома бўйича ҳам музокаралар ўтказилиши кутилмоқда.
Ҳужумчи 2023 йил ёзидан бери "ПСЖ"да ўйнамоқда. У жорий мавсумда барча мусобақаларда 23 та ўйинда майдонга тушиб, 5 та гол ва 4 та голли узатмага муаллифлик қилди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 70 млн еврони ташкил этади.
