"Barselona" futbolchilari Ispaniya Superkubogi finalida "Real" ustidan erishgan g‘alabadan (3:2) so‘ng himoyachi Ronald Arauxoni qo‘llarida ko‘tarib, havoga uloqtirishdi.

Urugvaylik futbolchi o‘yinning 93-daqiqasida zaxiradan maydonga tushdi, bu uning o‘zi so‘ragan tanaffusdan keyingi birinchi o‘yini edi. Arauxo ruhiy muammolar tufayli bir oydan ortiq vaqt davomida maydondan chetda qoldi - u so‘nggi bor 25 noyabr kuni "Chelsi"ga qarshi o‘yinda (0:3) maydonga tushgan va qizil kartochka olgan edi.