"Manchester Yunayted"ning vaqtinchalik ustozi Darren Fletcher jamoaning yangi bosh murabbiyi oldida turgan vazifalar haqida gapirdi.
Yakshanba kuni "qizil iblislar" o‘z uyida "Brayton"ga imkoniyatni boy berib (1:2), Angliya kubogini tark etdi. Jamoa keyingi o‘yinni yangi murabbiy boshchiligida o‘tkazishi taxmin qilinmoqda.
"Keyingi murabbiy nimaga erishishi kerak? Ishonch. O‘yin uslubidagi barqarorlik. Kim kelmasin, u jamoani jipslashtirishi lozim. Natijalarga erishish orqali ishonchni mustahkamlash zarur. Albatta, biz yaxshi futbol ko‘rsatishni xohlaymiz, ammo avvalo buning yo‘lini topish kerak. Yondashuv aniqlangach, tirishqoqlik bilan mehnat qilish, ijobiy ruhda bo‘lish va o‘zini bag‘ishlash talab etiladi," - dedi Fletcher o‘yindan keyingi suhbatda.
17 yanvar, shanba kuni "MYU" o‘z uyida "Manchester Siti"ni qabul qiladi.
