«Andijon»ning «Vashash» (Vengriya) klubiga qarshi uchrashuvidan keyin bosh murabbiy Samvel Babayan klub matbuot xizmatiga quyidagicha fikr bildirdi:

“Birinchi bo‘limda biroz eksperimental tarkibni tushurdik, yosh futbolchilarga o‘ynash imkonini berdik. Markaziy himoyada o‘z joyiga ega bo‘lmagan futbolchilar harakatlandi. Ishtiyoq bo‘lgani bilan har jabhada o‘yin chiqmadi. Ikkinchi bo‘limda esa optimal tarkib maydonga tushirildi. O‘yinni o‘zgartirib, vaziyatlar yaratildi. Tushunarsiz gol o‘tkazib yuborildi. Lekin hujumda vaziyatlar yaratdik.

Hali qilinadigan ishlar ko‘p. Yaxshi, yuqori tezlikda harakatlanish uchun birinchi bosqichda yana 20 yanvar sanasida o‘yinimiz bor. Bunda biz funksional va o‘yin tonusiga tushishni maqsad qilib qo‘yamiz. Rejali dasturimizga jiddiy tarzda yondashmoqdamiz. Gol o‘tkazib yuborganimizda hech kim ruhiy bosimga tushgani yo‘q. Bu o‘yin bizga aksincha kamchiliklar ustida ishlashga yordam beradi. Biz hozir optimal jismoniy holatda emasmiz. Biz yangi jamoa quryapmiz. Asosiy maqsad chempionatga puxta tayyorgarlik ko‘rish.

Albatta, hali hech qaysi futbolchilar o‘z formasida emas. Individual dastur asosida ishlayotganlar bor. Bular - Jamshid Boltaboyev, Nemanya Chalasan, Muhammadkarim Toirov shular qatorida. Martin Boakeni tarkibga kelishini kutyapmiz, bugun u tarkibimizga kelib qo‘shiladi. Asosiy vazifa mavsumga yaxshi tayyorgarlik ko‘rish uchun tez fikrlaydigan, tez harakatlanadigan pressing asosida o‘yin namoyish etadigan raqiblarni tanlamoqdamiz. Nazorat o‘yinlarini tahlil qilamiz, xatolar ustida ishlaymiz. O‘ylaymanki, chempionatga optimal formaga tushgan holda kirib boramiz, - deya fikr bildirdi Samvel Vyacheslavovich.