Madridning "Real" klubida o‘ng qanot himoyachisi Trent Aleksander-Arnoldning klubning uzoq muddatli strategiyasidagi o‘rni borasida savollar paydo bo‘ldi. Bu haqda The Touchline X ijtimoiy tarmog‘idagi sahifasida xabar berdi.
Manbaga ko‘ra, "qaymoqranglilar" 27 yoshli futbolchidan foydalanish bo‘yicha aniq rejaga ega bo‘lgan, biroq uning jarohatlari borligi uchun hafsalasi pir bo‘lgan. Bundan tashqari, jarohatdan tiklanish jarayonida klub va futbolchi o‘rtasida kommunikasiya yetishmovchiligi yuzaga kelgan. Ta’kidlanishicha, Aleksander-Arnold fevral oyida maydonga qaytadi va uning o‘yini bu vaziyatni hal qilishda muhim omil bo‘ladi.
Ingliz o‘tgan yozda "Real"ga o‘tgandi. U barcha musobaqalarda 11 ta o‘yin o‘tkazib, bitta golli uzatmani amalga oshirdi. Dekabr oyi boshida himoyachi chap son mushagini shikastlagani haqida xabar berilgandi.
