Мадриднинг "Реал" клубида ўнг қанот ҳимоячиси Трент Александер-Арнольднинг клубнинг узоқ муддатли стратегиясидаги ўрни борасида саволлар пайдо бўлди. Бу ҳақда The Touchline Х ижтимоий тармоғидаги саҳифасида хабар берди.

Манбага кўра, "қаймоқранглилар" 27 ёшли футболчидан фойдаланиш бўйича аниқ режага эга бўлган, бироқ унинг жароҳатлари борлиги учун ҳафсаласи пир бўлган. Бундан ташқари, жароҳатдан тикланиш жараёнида клуб ва футболчи ўртасида коммуникация етишмовчилиги юзага келган. Таъкидланишича, Александер-Арнольд февраль ойида майдонга қайтади ва унинг ўйини бу вазиятни ҳал қилишда муҳим омил бўлади.

Инглиз ўтган ёзда "Реал"га ўтганди. У барча мусобақаларда 11 та ўйин ўтказиб, битта голли узатмани амалга оширди. Декабрь ойи бошида ҳимоячи чап сон мушагини шикастлагани ҳақида хабар берилганди.