«Real» chap qanot himoyachisi Fran Garsiya jamoaning yulduz hujumchisi Kilian Mbappe haqida fikr bildirdi.

«Mbappe — yaxshi yigit. U jamoaga juda yaxshi moslashdi. Kilian vaziyatlar yaratishni juda yaxshi biladi va himoyachilardan oson o‘tib ketadi. Uning futbol iste’dodi nihoyatda katta. O‘ylaymanki, bu mavsumda ham Mbappe yana eng yaxshi to‘purarga aylanadi», — deya futbolchining so‘zlarini keltiradi Mundo Deportivo nashri.

Joriy mavsumda Ispaniya chempionatida 27 yoshli fransiyalik 19 ta o‘yinda maydonga tushdi. Mbappe 19 ta gol urib, 4 ta golli uzatmani amalga oshirgan. Uning bozor qiymati 200 million yevroga baholanmoqda.