«Реал» чап қанот ҳимоячиси Фран Гарсия жамоанинг юлдуз ҳужумчиси Килиан Мбаппе ҳақида фикр билдирди.
«Мбаппе — яхши йигит. У жамоага жуда яхши мослашди. Килиан вазиятлар яратишни жуда яхши билади ва ҳимоячилардан осон ўтиб кетади. Унинг футбол истеъдоди ниҳоятда катта. Ўйлайманки, бу мавсумда ҳам Мбаппе яна энг яхши тўпурарга айланади», — дея футболчининг сўзларини келтиради Mundo Deportivo нашри.
Жорий мавсумда Испания чемпионатида 27 ёшли франциялик 19 та ўйинда майдонга тушди. Мбаппе 19 та гол уриб, 4 та голли узатмани амалга оширган. Унинг бозор қиймати 200 миллион еврога баҳоланмоқда.
