22 yoshli fransiyalik vinger Yanis Leri «Xorazm» klubi futbolchisiga aylandi. Bu haqda jamoa matbuot xizmati xabar berdi.
Ma’lum qilinishicha, futbolchi Urganch klubi safiga erkin agent maqomida qo‘shilgan. Leri o‘tgan mavsumni Ispaniya chempionatining to‘rtinchi divizionida ishtirok etuvchi «Logronyes» jamoasi tarkibida o‘tkazgan.
Leri avvalroq Fransiyaning U-16 va U-17 terma jamoalariga jalb etilgan. Ochiq manbalarga ko‘ra, uning hozirgi bozor qiymati 50 ming yevroga baholanmoqda.
Fransiyalik vinger professional faoliyati davomida 78 ta uchrashuvda maydonga tushib, 21 ta gol urgan va 3 ta golli uzatma amalga oshirgan.
Yanis Leri
Tug‘ilgan yili: 07.05.2003
Ampluasi: Hujumchi
Millati: Fransiya
Bo‘yi: 1,79 m
Qaysi jamoadan keldi: «Alsorson» FK.













