"Milan" yarim himoyachisi Luka Modrich SofaScore tahliliy portali talqiniga ko‘ra, Italiya chempionatining joriy mavsumdagi eng yaxshi futbolchisi bo‘lib turibdi.

Xorvatiyalik o‘zining o‘yinlari uchun har bir o‘yinda o‘rtacha 7,54 ball oladi - bu barcha o‘yinchilar orasida eng yuqori ball. Undan keyingi o‘rinda prinsipial raqib futbolchisi - "Inter" yarim himoyachisi Hoqon Chalxono‘g‘li 7,53 ball bilan bormoqda.

Modrich maydonda o‘tkazilgan vaqt bo‘yicha ham "Milan" yetakchilaridan biri hisoblanadi. Joriy mavsumda 40 yoshli xavbek A Seriyada jami 1 664 daqiqa maydonga tushib, 21 ta o‘yindan 19 tasini asosiy tarkibda boshladi.

Bundan tashqari, afsonaviy xorvatiyalik futbolchi joriy mavsum Italiya chempionatining 15 o‘yinida 90 daqiqa harakat qilib, "Real"dan ketganidan keyin ham o‘z darajasini isbotlab kelmoqda.