"Милан" ярим ҳимоячиси Лука Модрич SofaScore таҳлилий портали талқинига кўра, Италия чемпионатининг жорий мавсумдаги энг яхши футболчиси бўлиб турибди.
Хорватиялик ўзининг ўйинлари учун ҳар бир ўйинда ўртача 7,54 балл олади - бу барча ўйинчилар орасида энг юқори балл. Ундан кейинги ўринда принципиал рақиб футболчиси - "Интер" ярим ҳимоячиси Ҳоқон Чалхонўғли 7,53 балл билан бормоқда.
Модрич майдонда ўтказилган вақт бўйича ҳам "Милан" етакчиларидан бири ҳисобланади. Жорий мавсумда 40 ёшли хавбек А Серияда жами 1 664 дақиқа майдонга тушиб, 21 та ўйиндан 19 тасини асосий таркибда бошлади.
Бундан ташқари, афсонавий хорватиялик футболчи жорий мавсум Италия чемпионатининг 15 ўйинида 90 дақиқа ҳаракат қилиб, "Реал"дан кетганидан кейин ҳам ўз даражасини исботлаб келмоқда.
