Tennis bo‘yicha Avstraliya ochiq chempionatida chorak final bosqichi juftliklar ma’lum bo‘ldi. Unga ko‘ra, dunyoning ikkinchi raketkasi, italiyalik Yannik Sinner tennis bo‘yicha Avstraliya ochiq chempionatining chorak finalida AQSH vakili Ben Shelton bilan bahs olib boradi.

Chorak finalning boshqa juftliklarida birinchi raqam ostida tasniflangan ispaniyalik Karlos Alkaras mezbon mamlakat tennischisi Aleks de Minaur bilan to‘qnash keladi. Germaniyalik Aleksandr Zverev (3-raqam) amerikalik Lyorner Tiyen (25)ga qarshi kortga chiqadi. Yana bir bahsda italiyalik Lorenzo Muzetti (5) serbiyalik Novak Jokovich (4) bilan kuch sinashadi.

Australian Open. Chorak final juftliklari (erkaklar):

Yannik Sinner (Italiya, 2) — Ben Shelton (AQSH, 7);
Karlos Alkaras (Ispaniya, 1) — Aleks de Minaur (Avstraliya, 6);
Aleksandr Zverev (Germaniya, 3) — Lyorner Tiyen (AQSH, 25);
Lorenzo Muzetti (Italiya, 5) — Novak Jokovich (Serbiya, 4).

Ayollar o‘rtasidagi Avstraliya ochiq chempionatining ham chorak final juftliklari ma’lum bo‘ldi. Turnir davomida yetakchi tennischilar o‘zaro kuch sinashadi. Quyidagi juftliklar maydonga chiqadi:

Australian Open. Chorak final juftliklari (ayollar):

Arina Sobolenko (Belarus, 1) — Iva Yovich (AQSH, 29);
Yelena Ribakina (Qozog‘iston, 5) — Iga Shvyontek (Polsha, 2);
Kori Gauff (AQSH, 3) — Elina Svitolina (Ukraina, 12);
Jessika Pegula (AQSH, 6) — Amanda Anisimova (AQSH, 4).

Avstraliya ochiq chempionati mavsumdagi ilk “Katta dubulg‘a” turniri hisoblanadi va qattiq qoplamali kordlarda o‘tkaziladi. Turnirning amaldagi chempioni Yannik Sinner bo‘lib, u final uchrashuvida Aleksandr Zverevni mag‘lub etgan edi. Ayollar o‘rtasidagi amaldagi chempion esa amerikalik Medison Kiz bo‘lib, u o‘tgan yilgi finalda belaruslik Arina Sabalenkadan ustun kelgan. Musobaqaning umumiy sovrin jamg‘armasi 75 million AQSH dollarini tashkil etadi. Turnir 31 yanvar kuni yakunlanadi.