Ertaga Indoneziya poytaxti Jakarta shahrida XVIII Osiyo kubogi bahslariga start beriladi. Musobaqaning «C» guruhida ishtirok etayotgan O‘zbekiston milliy terma jamoasi ilk uchrashuvini 28 yanvar kuni Tojikiston terma jamoasiga qarshi o‘tkazadi. Bellashuv mahalliy vaqt bilan soat 19:00 (Toshkent vaqti bilan soat 17:00) da boshlanadi.

Bugun Nodir Eliboyev boshchiligidagi jamoamiz a’zolari Jakarta shahridagi sport majmuasida mashg‘ulot o‘tkazishdi. Ertalabki nazariy tayyorgarlikdan kelib chiqqan holda bo‘lajak raqib o‘yin uslubiga qarshi turli kombinasiyalar, standart vaziyatlar ustida ish olib borildi. Shuningdek, himoya hamda hujum chizig‘i o‘rtasidagi bog‘lamalar ko‘rib chiqildi, boshlang‘ich va zaxira to‘rtliklar tarkibi yana bir bor ko‘zdan kechirildi.

Mashg‘ulotlar ko‘tarinki, ishchanlik va jangovor kayfiyatda olib borildi. Yigitlarimiz Osiyo Kubogi o‘yinlariga ham jismonan, ham ruhan yaxshi tayyorgarlik bilab yetib kelishmoqda. Nasib bo‘lsa, indin bo‘lib o‘tadigan birinchi tur uchrashuviga terma jamoamiz chiroyli, hujumkor o‘yini bilan muxlislarimizni xursand etadi, degan umiddamiz.