«Real» prezidenti Florentino Peres yanvar oyida bosh murabbiy almashgani ortidan jamoa futbolchilari bilan uchrashuvlar o‘tkazdi. Goal portali Cadena SER’ga tayanib xabar berishicha, Peres Jud Bellingem bilan suhbatlashib, ishga bo‘lgan munosabatni o‘zgartirishni so‘ragan. "Qaymoqranglilar" rahbari angliyalik futbolchini jamoa uchun og‘ir pallada yetakchilik va jangovor ruh namoyon etishga chaqirgan.
Shuningdek, Peres Arda Gyuler, Franko Mastantuono, Federiko Valverde va Eduardo Kamavinga bilan ham muloqot qilgan. Natijada oxirgi Kamavinga va Valverde jamoaga kerak bo‘lgan paytlarda himoya qanotlarida shikoyatsiz to‘p tepa boshladi. «Real» prezidenti ularni shaxsiy xohishlarni bir chetga surib, umumiy manfaatni ustun qo‘yishga da’vat etgan.
Ayni paytda «Real» La Liga turnir jadvalida ikkinchi o‘rinni egallab turibdi.
