«Реал» президенти Флорентино Перес январь ойида бош мураббий алмашгани ортидан жамоа футболчилари билан учрашувлар ўтказди. Goal портали Cadena SER’га таяниб хабар беришича, Перес Жуд Беллингем билан суҳбатлашиб, ишга бўлган муносабатни ўзгартиришни сўраган. "Қаймоқранглилар" раҳбари англиялик футболчини жамоа учун оғир паллада етакчилик ва жанговор руҳ намоён этишга чақирган.
Шунингдек, Перес Арда Гюлер, Франко Мастантуоно, Федерико Вальверде ва Эдуардо Камавинга билан ҳам мулоқот қилган. Натижада охирги Камавинга ва Вальверде жамоага керак бўлган пайтларда ҳимоя қанотларида шикоятсиз тўп тепа бошлади. «Реал» президенти уларни шахсий хоҳишларни бир четга суриб, умумий манфаатни устун қўйишга даъват этган.
Айни пайтда «Реал» Ла Лига турнир жадвалида иккинчи ўринни эгаллаб турибди.
