«Benfika» darvozaboni Anatoliy Trubin «Real» darvozasiga tarixiy gol urdi, ammo ingliz futbolida bundan ham hayratlanarliroq voqea sodir bo‘lgan.
98/99 yilgi mavsumda «Karlayl Yunayted» Angliya Birinchi ligasida jon saqlab qolish uchun kurashayotgan edi. Oxirgi turda jamoa ligada qolishi uchun albatta «Plimut»ni mag‘lub etishi kerak edi.
94-daqiqaga kelib hisob 1:1 bo‘lib turgandi, bu natija mezbonlarni qoniqtirmasdi. Qo‘shib berilgan vaqtning so‘nggi soniyalarida darvozabon Djimmi Glass raqib jarima maydonchasiga yetib keldi, to‘pni darvoza to‘riga kiritdi va o‘z jamoasini pastki ligaga tushib ketishdan qutqarib qoldi.
Keyinchalik The Times gazetasi ushbu golni futbol tarixidagi eng muhim gollar ro‘yxatida 7-o‘ringa qo‘ydi.
