Londonning "Arsenal" klubi bosh murabbiyi Mikel Arteta yangi yulduz Maks Douman haqida fikr bildirdi. Angliyalik hujumkor yarim himoyachi 16 yoshga to‘lmasidanoq "kanonirlar"ning asosiy tarkibiga kirib olgandi. Noyabr oyi oxiridan beri vunderkind jarohati tufayli maydonga tushmayapti.

"Shubhasiz, Maks men ko‘rgan eng yaxshi yosh futbolchilardan biri. Uning qilayotgan ishi o‘ziga xos va men ilgari hech qachon bunday holatga duch kelmaganman. Balki "Barselona"da faqat Messi shunday bo‘lgandir - u ham fakt emas. Doumanning xarakteri ham kuchli - u bosimdan qo‘rqmaydi, raqiblardan cho‘chimaydi. Bu juda qimmatli fazilat. Biz unga ajoyib karyera qurishda yordam berishimiz kerak", - deya Artetaning so‘zlarini keltiradi ingliz OAV.

"Arsenal" shanba kuni Premyer-liga doirasida "Lids"ga qarshi bahs olib boradi.