Kuala-Lumpur shahrida o‘tgan OFKning 35-Kongressida tashkilot prezidenti Shayx Salmon bin Ibrohim Al-Xalifa tomonidan ilgari surilgan taklifga muvofiq, 2031 va 2035 yilgi Osiyo Kubogi mezbonlarini bitta Kongressda tasdiqlash imkoniyati ko‘rib chiqilmoqda. Bu haqda OFK rasmiy sayti xabar berdi.

Shu bilan birga, Osiyo Kubogi—2035 musobaqasini o‘tkazish istagini bildirgan a’zo assosiasiyalardan arizalarni qabul qilish jarayoni yakunlandi. Ma’lum qilinishicha, 2031 yilgi turnir uchun ariza topshirish jarayoni o‘tgan yilda yakunlangan bo‘lib, qit’a bo‘ylab katta qiziqish uyg‘otgan edi.

OFK Prezidentining tashabbusiga ko‘ra, 2035 yilgi musobaqa mezbonligi uchun ariza topshirish takliflari a’zo assosiasiyalarga 2025 yil 27 avgust kuni yuborildi va arizalarni qabul qilish muddati 2025 yil 31 dekabrda yopildi.

Quyidagi davlatlar Osiyo Kubogi—2031 mezbonligi uchun rasmiy nomzod sifatida qolmoqda:

Osiyo Kubogi—2031 mezbonligiga nomzodlar:

• Avstraliya

• Hindiston

• Indoneziya

• Koreya Respublikasi

• Quvayt

• Qo‘shma ariza: O‘zbekiston, Qirg‘iziston va Tojikiston

Shuningdek, quyidagi a’zo assosiasiyalar Osiyo Kubogi—2035 musobaqasini o‘tkazishga rasman qiziqish bildirgan:

Osiyo Kubogi—2035 mezbonligiga da’vogarlar:

• Avstraliya

• Yaponiya

• Koreya Respublikasi

• Quvayt

Endilikda OFK nomzod a’zo assosiasiyalar bilan birgalikda belgilangan tartib, muddatlar va baholash jarayonlariga muvofiq zarur hujjatlarni topshirish bo‘yicha ish olib boradi.