Taniqli germaniyalik mutaxassis Feliks Magat Myunxenning «Bavariya» klubi so‘nggi o‘yinlarda qayd etayotgan natijalari haqida o‘z fikrini bildirdi.
«Myunxenliklar mavsumning birinchi qismida hayratlanarli natijalar qayd etishdi, jamoa dominantlik qildi. Ammo tanaffusdan keyin bu ustunlik yo‘qolib qoldi. Biz buni «Gamburg» bilan uchrashuvda ko‘rdik. Jamoada jiddiy raqib bo‘lmagani, Germaniyada uning raqobatchilari qolmagani yomon. Shu sababli ular xotirjamlikka berilib qolishmoqda», — deya Magatning so‘zlarini keltirmoqda Sport.de.
Bundesliganing 20 turidan so‘ng «Bavariya» 51 ochko jamg‘argan holda turnir jadvalida peshqadamlik qilmoqda. Vensan Kompani shogirdlari ikkinchi o‘rinda borayotgan Dortmundning «Borussiya» jamoasidan olti ochko oldinda.
