Таниқли германиялик мутахассис Феликс Магат Мюнхеннинг «Бавария» клуби сўнгги ўйинларда қайд этаётган натижалари ҳақида ўз фикрини билдирди.
«Мюнхенликлар мавсумнинг биринчи қисмида ҳайратланарли натижалар қайд этишди, жамоа доминантлик қилди. Аммо танаффусдан кейин бу устунлик йўқолиб қолди. Биз буни «Гамбург» билан учрашувда кўрдик. Жамоада жиддий рақиб бўлмагани, Германияда унинг рақобатчилари қолмагани ёмон. Шу сабабли улар хотиржамликка берилиб қолишмоқда», — дея Магатнинг сўзларини келтирмоқда Sport.de.
Бундеслиганинг 20 туридан сўнг «Бавария» 51 очко жамғарган ҳолда турнир жадвалида пешқадамлик қилмоқда. Венсан Компани шогирдлари иккинчи ўринда бораётган Дортмунднинг «Боруссия» жамоасидан олти очко олдинда.
