"Jenoa" klubini boshqarayotgan taniqli italiyalik sobiq futbolchi Daniele de Rossi VAR tizimi haqida o‘z fikrini bildirdi.

"Biz hakamga ko‘proq harakat erkinligini berishimiz kerak. Hakamni ekran oldiga chaqirishlari va u bo‘layotgan voqealarni kuzatishi to‘g‘ri, shuning o‘zi kifoya. VAR — bu shunchaki vosita, ammo u hakamning o‘rnini bosa olmaydi", - dedi murabbiy matbuot anjumanida.

Italiya chempionatining 23 turidan so‘ng "Jenoa" 23 ochko jamg‘argan holda turnir jadvalida 14-o‘rinni egallab turibdi.

Ertaga, 7 fevral kuni de Rossi jamoasi o‘z maydonida "Napoli"ga qarshi bahs olib boradi.